Unё Dёshmoj: Gёzim Peshkёpia

PeshkepiaGëzim Peshkëpia

Ka lindur në vitin 1940 në qytetin e Tiranës, ndërsa origjina e familjes së tij është nga Gjirokastra. Gjatё pushtimit tё vendit mё 1939-1944, fisi Peshkëpia u rradhit në krahun e forcave nacionaliste. Xhaxhai i Gëzimit, Nexhat Peshkëpia ishte një nga eksponentët kryesorë të Ballit Kombёtar dhe një nga hartuesit e Dekalogut të famshëm të Ballit prej dhjetë pikash.

Në fund tё vitit 1944, Nexhat Peshkëpia u largua nga Shqipëria prej hakmarrjes së komunistëve. Babai i Gëzimit, Manush Peshkëpia, në 1951 u arrestua për incidentin e bombës në Ambasadën Sovjetikë dhe u pushkatua pa gjyq së bashku me 21 intelektualë të tjerë të pafajshëm. Për disa vjet Gëzimi u dërgua që të shërbente si mësues në fshatrat më të thella të Lushnjes, Kavajës dhe Durrësit duke qenë gjithmonë nën survejimin e Sigurimit, si djalë i “armikut të popullit” që ishte pushkatuar nga Partia.

Si pasojё e luftës së klasave, Gëzimi u pushua nga arsimi dhe punoi si piktor, saldator e deri si kujdestar pulash në ekonomitë ndihmëse të ndërrmarjes. Kjo gjë vazhdoi deri në vitin 1975 kur vetë Gezimi u arrestua dhe u dënua me tetë vjet burg politik duke u akuzuar për agjitacion e propagandë në fushën e Artit dhe të Kulturës, dënim të cilin ai e vuajti kryesisht në burgun e Ballshit.Pasi pёrfundoi burgun ai jetoi nё qytetin e Kavajёs.

Me hapjen e ambasadeve në korrikun e vitit 1990, Gëzimi së bashku me bashkëshorten e dy fëmijët e tyre, u larguan për në Gjermani, duke u vendosur në qytetin Soest. Me rastin e 60-vjetorit të lindjes, në vitin 2000, nga ana e këshillit bashkiak të qytetit të Kavajës iu akordua titulli “Krenaria e Qytetit”.

Gëzim Peshkëpia është i njohur edhe si publicist e poet, duke botuar shkrime të shumta në shtypin shqiptar brenda dhe jashtë vëndit.

  • 1939-1944 – Nexhat Peshkёpia, xhaxhai i Gёzim Peshkёpisё ishte eksponenti kryesor i Ballit Kombёtar
  • 1951  – Manush Peshkёpia, babai i Gёzim Peshkёpisё u arrestua dhe pushkatua pa gjyq, bashkё me 21 intelektualё tё tjerё pёr shkak tё incidentit tё bombёs nё Ambasadёn Sovjetike.
  • 1975 – Gёzim Peshkёpia arrestohet dhe dёnohet me 8 vite burg me akuzёn “Pёr Agjitacion dhe Propagandё nё fushёn e Artit dhe Kulturёs”
  • 1990 -Largohet nga Shqipёria nё drejtim tё Gjermanisё

VIDEO 

Pjesa 1, “Zanafilla e pёrndjekjes sonё familjare”

Pjesa 2, “Pas pushkatimit tё babait, internimi nё Berat”

Pjesa 3, “Si u perndoqa gjatё viteve tё shkollёs dhe punёs” 

Pjesa 4, “Akuzat pёr agjitacion-propagandё dhe arrestimi…” 

Pjesa 5, “Lajmi pёr vdekjen e nёnёs nё burg”